Омонмуродова уч ярим соат этган учрашувда ютқазди

Winter Moscow Open 2017 турнирининг мукофот жамғармаси 25 000 АҚШ долларини ташкил қилади. Ҳамюртимиз саралаш мусобақасида биринчи рақам остида таснифланган эди.

Афсуски, Омонмуродова саралашнинг ҳал қилувчи баҳсида Алина Силичга 3:6, 1:6 ҳисобида ютқазиб қўйганди. Шунга қарамай, турнир ташкилотчилари вакиламизга имтиёзли йўлланма тақдим этишди.

Лекин тажрибали теннисчимиз бу имкониятдан ҳам фойдалана олмади. Германиялик Анна Зайяга қарши кортга чиққан Омонмуродова рақибасига ютқазиб қўйди.

Эътиборга молик жиҳати, 3 соату 21 дақиқа давом этган баҳсда олмон теннисчиси 6:4, 6:7(20), 7:6(4) ҳисобида зафар қучди.