26 янв 08:40
Янгиликлар
Теннис
Оқгул Андрезьё-Бутеон турнири яккалигидаги иштирокини тўхтатди
Франциянинг Андрезьё-Бутеон шаҳрида теннис бўйича соврин жамғармаси 60 000 АҚШ долларини ташкил қилувчи турнир давом этмоқда.
Мазкур мусобақада ҳамюртимиз Оқгул Омонмуродова ҳам ўз имкониятини синовдан ўтказяпти. Тажрибали теннисчимиз турнирнинг асосий тўрига имтиёзли йўлланма асосида қўйилганди.
Афсуски, Омонмуродова чорак финал чиптаси учун кечган учрашувда турнирнинг 8-ракеткаси, германиялик Тамара Корпатчга деярли қаршиликсиз 1:6, 2:6 ҳисобида имкониятни бой бериб қўйди.
Эслатиб ўтамиз, Омонмуродова илк даврада голландиялик Бибиану Шуфсга қарши кортга чиқиб, рақибасини 6:3, 6:7(4), 6:3 ҳисобида ғалаба қозонган эди.
Ҳавола :
Манба : olamsport.com
Фикрлар