UZ

Сўнгги янгиликлар

17:10Раонич жароҳати сабабли Майамидаги турнирни тарк этди0 16:14Учинчи жангидаёқ чемпионлик камарини қўлга киритган Ломаченко ҳақида ёҳуд Фазлиддин унга ўхшай оладими?1 15:50Сабина Шарипова Франциядаги турнирнинг жуфтлик баҳсларида ким билан бирга қатнашади?2 15:25"Uzbek Tigers" - "Astana Arlans" жангига аталган промо-роликни томоша қилинг (ВИДЕО)0 14:45Фарғонада велоспорт бўйича турнир бошланди0 14:00Нисикори: "Мақсадим - яқин орада катта соврин ютиш"0 11:45MotoGP. Виньялес Қатар Гран-приси ғолиби, Росси учинчи0 11:15Ҳозирги Германия термаси - жамоа тарихдаги энг яхшиси0 10:50Темур Исмоилов бу ҳафта ҳам Ираклиондаги турнирда0 10:20Блинд Голландия терма жамоасидан истеъфога чиқарилди0 09:50Чел Соннен: Макгрегор ва Мейвезер жангги розилик беришди0 09:20Ўзбекистон кубоги. "Сўғдиёна" 1/8 финалга чиқди0 08:55Саидкаримов Баҳрайндаги турнирда асосий тўрга чиқди0 08:2534 ёшли Дефо тўрт йиллик танаффусдан кейин гол урди0 07:55Шарипова Круаси-Бобурдаги турнирда, илк рақиба маълум5

06 янв 13:53
Янгиликлар

Ўзбекистон Миллий олимпия қўмитасига Алишер Султонов янги раҳбар этиб тайинланди

Теглар :  МОҚ
Бугун Миллий олимпия қўмитасининг XXX Бош Ассамблеяси йиғилиши бўлиб ўтди.

Тадбирни Ўзбекистон Республикаси Бош вазири ўринбосари Адҳам Икрамов олиб борди. Унда тўрт йиллик олимпия циклида қилинган ишлар, эришилган натижалар борасида қўмита бош котиби Ойбек Касимов ҳисобот берди. 

Тан олиш лозим 2013-2016 йиллар мобийнида Рио-де-Жанейродаги XXX ёзги Олимпия ва XV Паралимпия ўйинларида спортчиларимизнинг муваффақиятли иштирок этиши учун жуда катта кўламда иш олиб борилди. Энг аввало Ўзбекистон Республикаси Президентининг “Ўзбекистон спортчиларини 2016 йил Рио-де-Жанейро шаҳри (Бразилия)да бўлиб ўтадиган XXXI ёзги Олимпия ва XV Паралимпия ўйинларига тайёргарлик кўриши тўғрисида” 2013 йил 25 февралдаги 1923-сонли қарори билан Дастур ҳамда Республика комиссияси таркиби тасдиқланди. 

Шунингдек, Ўзбекистон Миллий олимпия қўмитаси таркибига ўзгартириш киритилиб, янги бошқарма ва бўлимлар ташкил этилди. Жойларда иш фаолиятини янада жонлантириш мақсадида Қўмитанинг Қорақалпоғистон Республикаси, Тошкент шаҳри ва вилоятларида ҳудудий вакилларнинг фаолияти йўлга қўйилди. 

Дастурга мувофиқ 14 та олимпия спорт турлари бўйича республика федерация ва ассоциациялардан 28 та спорт турларига алоҳида эътибор қаратилиб, дастур асосида ҳомийлар бириктирди. Уларга 2013-2016 йиллар давомида жами 46,5 млн. АҚШ доллари миқдорида маблағ ажратилди.  

Олимпия спорт турлари бўйича федерация ва ассоциацияларнинг моддий-техник базалари янада такомиллаштирилди. Жумладан, Тошкент шаҳрида дзюдо, бокс, гимнастика, қиличбозлик, эшкак эшиш, таэквондо WTF, теннис, спорт курашлари, оғир атлетика, велоспорт ва Паралимпия спорт турлари бўйича спорт базалари ҳамда марказлари ишга туширилди. Тўрт йил мобайнида Олимпия спорт турлари бўйича федерация ва ассоциацияларга бириктирилган 88 та спорт базасидан деярли барчасида қурилиш, реконструкция, капитал таъмирлаш ишлари амалга оширилиб, уларнинг моддий-техник базаси замонавий талаблар асосида янада такомиллаштирилди. Олимпия ва Паралимпия ўйинларига пухта тайёргарлик кўриш мақсадида Вазирлар Маҳкамасининг 2013 йил 30 декабрдаги 346-сон қарори асосида спорт турлари бўйича терма жамоаларига 14 нафар хорижий мутахассилар жалб этилди. 

Қилинган улкан ҳажмдаги ишлар ўз самарасини берди ва ўзбекистонлик спортчилар илк маротаба ёзги Олимпия ўйинларида дунёнинг 207 давлати вакиллари орасида 4 та олтин, 2 та кумуш ва 7 та бронза жами 13 та медалига сазовор бўлиб умумжамоа ҳисобида 21-ўринни банд этишди. Қўлга киритилган юксак ғалаба Мустақил Давлатлар Ҳамдўстлиги(МДҲ) давлатлари орасида Россиядан кейин иккинчи, Осиё қитъасида Хитой, Япония ва Жанубий Корея давлатларидан кейин тўртинчи, Марказий Осиёда эса биринчи натижа бўлди. 

Бош Ассамблея йиғилишида Миллий олимпия қўмитасининг тўрт йилиик циклдаги фаолияти қониқарли деб бир овоздан қабул қилинди. Шундан сўнг Миллий олимпия қўмитасига янги президент сайлаш маросими бўлиб ўтди ва ушбу лавозимга “Ўзбекнефтегаз” миллий холдинг компанияси раиси Алишер Султонов бир овоздан сайланди. 

Мамлакатимиздаги спорт федерациялари ва таниқли спортчиларнинг таклифига кўра Мираброр Усмонов Миллий олимпия қўмитасининг фахрий президенти этиб тайинланди. Ўз навбатида ўтган давр мобайнида қўмитага раҳбарлик қилган Мираброр Усмоновга бутун спорт жамоатчилиги ва олимпия ҳаракати иштирокчилари номидан миннатдорчилик изҳор этилди. 

Шуни алоҳида эътироф этиш керакки, Мираброр Усмонов Рио—2016 Олимпиадаси цикли бошланган бир вақтда МОҚ президенти этиб тайинланган бўлиб, унинг раҳбарлигида Ўзбекистон делегацияси Олимпиадалар тарихидаги энг яхши натижасини қайд этди. 

Шунингдек қўмита вице президентлари сифатида Валерий Тян, Салим Абдувалиев, Фарҳод Турдиев ва Умид Аҳмаджоновлар сайланишди. Ойбек Касимов эса Бош котиб лавозимига қайта сайланди ва фаолиятини давом эттирадиган бўлди. Миллий Олимпия қўмитасининг XXX Бош Ассамблеясида Ўзбекистон Республикаси Бош вазири Абдулла Арипов иштирок этди.

Рейтинг:    

Ўхшаш янгиликлар

Фикрлар

   
06 янв 18:42:11
Benzema52
olimpiyada o'yinlarida bo'lmagan sport turlariga etibor qaratishsa zo'r bo'lardi
   
06 янв 14:04:03
Shohrux
Alisher aka ishlarizga rivoj futbolimizni yanada rivojlantirishingizga xalqimiz umid qilib qoladi omad yor bulsin aka.....
< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг