07 янв 12:35
Янгиликлар
Бокс/ММА
Пакьяонинг навбатдаги жангини кимга қарши ўтказиши деярли маълум
Филиппинлик бокс афсонаси Мэнни Пакьяо (59-6-2, 38 КО) ўзининг навбатдаги жангини апрель ойида ўтказади.
Боксчига яқин манбаларнинг хабар беришича, ПакМэннинг рақиби австралиялик 28 ёшли Жефф Хорн (16-0-1, 11 КО) бўлади. Бу боксчи WBO рейтингида иккинчи ўринни эгаллаб турибди.
10 январь куни Пакьяонинг промоутери Боб Арум Лос-Анжелес шаҳрида Хорннинг вакиллари билан музокара ўтказади. Агар томонлар келиша олишса, ушбу жанг Австралиянинг Брисбен шаҳрида ўтказилади.
Маълумот учун, Хорн ўзининг сўнгги жангини декабрь ойида Али Фунекка (39-6-3, 31 КО) қарши ўтказиб, рақибини нокаутга учратганди. Пакьяо эса 5 ноябрь куни Жесси Варгасни мағлубиятга учратган эди.
Ҳавола :
Манба : isport.ua
Фикрлар