Пойтахтимиз яна бир нуфузли мусобақага мезбонлик қилади

Аниқроғи, шу кунлари Тошкент шаҳри шашка бўйича Осиё чемпионатига мезбонлик қилади. 15 апрель куни қитъа чемпионатининг тантанали очилиш маросими ўтказилса, 16 апрелдан асосий баҳсларга старт берилади.

Аввалига 64, кейин эса 100 катакли шашка бўйича ғолиб ва совриндорлар аниқланади. Маълумот учун, Осиё шашка федерацияси қитъа чемпионати мезбонлигини қаторасига учинчи маротаба ҳам пойтахтимизга ишониб топширди.

Ҳар икки йилда бир бор ташкил этиладиган Осиё чемпионати 2013 ва 2015 йилларда ҳам Тошкент шаҳрида бўлиб ўтганди. Ҳали шу пайтгача ҳеч бир давлатга бундай имконият ва имтиёз берилмаган эди.