“Президент кубоги”. Шунқорда кумуш, ҳакамлар яна катта саҳнада

Бугун мусобақанинг ҳал қилувчи финал жанглари ўтказиляпти. Финалга етиб келган уч боксчимиздан бири Шунқор Абдурасулов ҳозиргина ўз жангини якунлади. 

-60 кг вазн тоифасидаги юртдошимиз россиялик Габил Мамедовга қарши рингга кўтарилди. Абдурасулов жанг давомида устунликка эга бўлишига қарамай, ҳакамлар якунда Мамедовни ғолиб деб топишди. Шунқор кумуш медал билан тақдирланадиган бўлди.