Қиличбозларимиз жамоавий баҳсларда ҳам биринчи бўлишди!

Мусобақанинг кечаги кунида йигитлар шпага ва сабля, қизлар эса рапира йўналишида жамоавий баҳсларда ғолиблик учун кураш олиб боришди.

Қувонарлиси, сабля йўналишида иштирок этган йигитларимиз жамоавий баҳсларда олтин медални қўлга киритишди. Ҳамюртларимиз финалда Хитой термасини 45:33 ҳисобида мағлуб этишган.

Миллий Олимпия қўмитаси ахборот хазматининг маълум қилишича, кеча мусобақанинг расмий очилиш маросими ҳам ўтказилган. Очилиш маросимида Осиё қиличбозлик конфедерацияси президенти Шайх Салим Ал Қосими, Ўзбекистон Республикаси Ёшлар сиёсати ва спорт вазири Адҳам Икрамов, МОҚ Бош котиби Ойбек Касимов, Ўзбекистон қиличбозлик федерацияси раиси Мақсуд Абдусаматов иштирок этишгани ҳақида хабар берилган.

Сабля, йигитлар:
1. Ўзбекистон
2. Хитой
3. Қозоғистон.