Қорақалпоқ замини дзюдо бўйича халқаро турнирга мезбонлик қилади

Бу борада жойларда ўтказилаётган турли даражада мусобақаларнинг ҳам аҳамияти беқиёс. Ана шундай турнирлардан бири 3-4 февраль кунлари Қорақалпоғистон заминида ўтказилади. Нукус шаҳри 2000-2002 йилларда туғилган ёшлар ўртасидаги халқаро турнирга мезбонлик қилади. 

Ушбу мусобақа спорт устаси, Қорақалпоғистон Республикасида хизмат кўрсатган мураббий ҳамда халқ таълими аълочиси М.Ж.Сарсенбаев соврини учун ташкил этилади. Халқаро турнирда юртимиз дзюдочиларидан ташқари қўшни мамлакат спортчилари ҳам совринли ўринлар учун татамига чиқади. 

Нукусдаги мусобақа -60, -66, -73, -81, -90, -100 ҳамда +100 кг вазн тоифаларида ўтказилади. Режа бўйича 3 февраль кунига тарозидан ўтиш ҳамда қуръа ташлаш маросимлари белгиланган. 4 февраль куни эса барча вазн тоифаларида ғолиб ва совриндорлар номи маълум бўлади.