15 окт 09:36
Янгиликлар
Теннис
Қойил. Истомин бир кунда 3та учрашув ўтказди, улардан биттаси финал
Хабар берганимиздек, бугун пойтахтимиздаги Республика олимпия захиралари теннис мактаби кортларида “Тошкент Челленжер” мусобақаси якунланади.
Эътиборлиси, кеча ҳамюртимиз ушбу турнир доирасида бир йўла 3та учрашувда кортга чиқди. Бунақаси теннисда камдан-кам учрайди. У аввалига чорак финалнинг қолдирилган ўйинида хорватиялик машҳур теннисчи Иван Додигни мағлубиятга учратди.
Бу икки теннисчи ўртасидаги баҳс пайшанба куни ёмғир сабабли биринчи сетнинг тўртинчи геймидан сўнг қолдирилганди. Жума куни давом эттирилган баҳсда Истомин кучли рақибини 6:4, 7:6(15:13) ҳисобида таслим этди.
Шу куни ҳамюртимиз яккаликнинг ярим финалида ҳам кортга чиқди. Денис словакиялик Лукаш Лацкога қарши кортга чиқди. Бу икки теннисчи ўтган йилги турнирнинг финалида тўқнаш келишганди. Бу сафар Истомин рақибини икки сетда ҳам бир хил 6:4 ҳисобида енгди.
Куннинг иккинчи ярмида мамлакатимизнинг биринчи ракеткаси россиялик Михаил Елгин билан бирга турнирнинг финал учрашувида кортга чиқди. Бош мукофот учун кечган баҳсда Денис ва Михаил германиялик Андреас Бегерманн ва ҳиндистонлик афсонавий Леандер Паес жуфтлигини 6:4, 6:2 ҳисобида доғда қолдиришди.
Ҳавола :
Манба : olamsport.com
Фикрлар