01 ноя 10:10
Янгиликлар
Теннис
Қувайтда ўйнаётган Файзиевда ғалаба, Шофайзиевда мағлубият
Қувайтнинг Мишреф шаҳрида мукофот жамғармаси 10 минг АҚШ долларидан иборат бўлган турнирнинг асосий тўр баҳслари давом этмоқда.
Ушбу “Фьючерс” туркумига кирувчи мусобақада терма жамоамиз аъзолари Санжар Файзиев ва Шониғмат Шофайзиев ўз маҳоратларини намойиш этмоқда.
Турнирнинг биринчи ракеткаси сифатида ҳаракат қилаётган Файзиев илк даврада канадалик Энтоин Ледучни 6:1, 6:2 ҳисобида таслим этди.
Унинг иккинчи босқичдаги рақиби руминиялик Андрей Патруи бўлади. Афсуски, Шониғмат Шофайзиев биринчи босқич учрашувида мағлубиятга учради. У турнирнинг саккизинчи ракеткаси, голландиялик Паул Монтебанга 2:6, 5:7 ҳисобида имкониятни бой берди.
Ҳавола :
Манба : olamsport.com
Фикрлар