15 окт 15:30
Янгиликлар
Бокс/ММА
Рамзан Кадиров Емельяненконинг қизига ҳужум қилган “шайтон”ни шавқатсиз жазолашга чақирди
Чеченистон Республикаси раҳбари Рамзан Кадиров Федор Емельяненконинг қизига уюштирилган ҳужумга ўз муносабатини билдирди.
Унинг сўзларига қараганда, ҳужум қилган “шайтон” шавқатсиз тарзда жазоланиши керак. Бу эса бошқалар учун сабоқ бўлиши лозим. Бир неча кун аввал Емельяненконинг 16 ёшли қизига кўчада ҳужум уюштирилганди.
Аниқроғи, номаълум кимса Москва кўчаларининг бирида қизнинг кўкрак қисмига бир бор зарба бериб, воқеа жойидан ғойиб бўлган эди. Айни пайтда Москва ҳуқуқни муҳофаза қилиш органлари безорини излашяпти.
Рамзан Кадиров ҳар қандай ҳолатда ҳам, қанча маблағ сарфланса ҳам, жиноятчини топиш ва жиддий тарзда жазолашга чақирди. Яқин атрофдаги камера босқинчи кавказлик эмас, аксинча славян миллатига мос киши эканлигини қайд қилган.
Ҳавола :
Фикрлар