Рамзан Қодиров Фёдор Емельяненкога муносиб жавоб қайтарди

Гап шундаки, Қодиров ташаббуси билан Грознийда вояга етмаган ёшлар ўртасида аралаш қоидалар бўйича турнир ташкил этилганди. Унда Рамзан Қодировнинг бир йўла уч нафар ўғли ҳам жанг ўтказганди.

Жумладан, унинг 10 ёшли ўғли Аҳмад 14 сония ичида рақибини мағлубиятга учратганди. Эли (9 ёш) ва Адам (8 ёш) исмли фарзандлари ҳам мос равишда 27 ҳамда 35 килограмм вазн тоифасидаги жангларда зафар қучишганди.

“Мамлакат раҳбарияти ёшларни ватанпарварлик руҳида тарбиялашга эътибор қаратяпти. Биз шу шиордан келиб чиқиб, болалар ўртасида мана шундай турнирларни ўтказяпмиз. Бунинг ёмон томони йўқ.

Болаларнинг тарбияси ёмон бўлиб кетаётган бир пайтда бундай турнирлар уларнинг ватанпарварлик руҳида тарбиялашга хизмат қилади. Фёдор, сиз ноҳақсиз! Россиялик баҳодирлар бундай йўл тутишмайди!” — дея ўзининг “Инстаграм”даги саҳифасида жавоб қолдирган Рамзан Қодиров.