Расман! Орловский 13 май куни UFC турнирида октагонга чиқади, унинг рақиби маълум

Ушбу UFC оқшоми 13 май куни АҚШнинг Флорида штати Жексонвилл шаҳрида бўлиб ўтади. Шу куни Орловский Филипп Линсга қарши жанг ўтказади. 

Беларуслик бу спортчи оғир вазнда собиқ UFC чемпиони ҳисобланади. Орловский ўзининг "Инстаграм" саҳифасида бразилиялик рақибига қарши ўтказадиган жанги ҳақида "пост" қолдирган. 

Маълумот учун, Орловский ўтган йили учта жанг ўтказиб, уларнинг иккитасида мағлубият аламини тотиб кўрган. Сўнгги жангида у 29 сонияда Жаирзиньо Розенстрайкка UFC 244 турнирида мағлуб бўлганди. 41 ёшли Орловский ҳисобида 28 ғалаба ва 19 та мағлубият бор. 

Филипп Линс эса UFC промоушенидаги дебют жангини ўтказади. У шу кунгача Bellator ва PFL лигаларида ўз жангларини ўтказиб келган. 2018 йилда Филипп PFL чемпиони ҳам бўлган.