Расман: Спенс - Портер бирлаштирувчи чемпионлик жанги тасдиқланди

Унда IBF камари соҳиби Эррол Спенс ҳамда WBC йўналиши чемпиони Шон Портер ўзаро чемпионлик жангида рингга кўтарилишади. Ушбу жанг 28 сентябрь куни АҚШнинг Калифорния штати Лос-Анжелес шаҳридаги Staples Center аренада бўлиб ўтади. 

Оқшомнинг ҳисоб бўйича иккинчи марказий жанги иккинчи ўрта вазн тоифасида ўтказилади. Унда WBC чемпиони Энтони Диррелл ушбу чемпионлик камарининг собиқ соҳиби Давид Бенавидесга қарши рингга чиқади. 22 ёшли Бенавидес қонида кокаин моддаси топилгани боис дисквалификация қилинган эди.