09 май 10:11
Янгиликлар

Бокс/ММА

Расман. UFC 302 турниридан ўрин олган навбатдаги жанг тасдиқланди + ПОСТЕР

Хабарингиз бор, 2 июнь куни АҚШнинг Нью-Жерси штати, Нью-Арк шаҳрида UFC 302 турнири ўтказилади.

Ташкилотчлар томонидан оқшомдан ўрин олган яна бир жанг тасдиқланди.

Унга кўра, россиялик ўрта вазн тоифаси вакили Роман Копилов мағлубият нималигини билмай келаётган бразилиялик Сезар Алмейдага қарши октагонга кўтарилади.

Шу йилнинг февраль ойида Романнинг 4 та ғалабали сериясига чек қўйишганди. Ўшанда Энтони Эрнандес иккинчи раундда Копиловни бўғиб қўйганди. Унгача 32 ёшли Роман Алессио Ди Кирико, Пунахили Сориано, Клаудио Рибейро ва Жош Фремдни нокаут эвазига мағлуб этган эди.

Бразилиялик 36 ёшли Сезар Алмейда эса UFC промоушенига Dana White's Contender Series саралаш турнири орқали келган. У якшанба тонгида ташкилотдаги дебют жангини ўтказиб, иккинчи раундда Дилан Будкани техник нокаутга учратганди. Унга қадар ММАдаги қолган жангларида ҳам зафар қучган.

Маълумот учун, UFC 302 турнирининг марказий жанги енгил вазнда UFC чемпиони Ислам Махачев ҳамда америкалик даъвогар Дастин Порье ўртасида бўлиб ўтади.