Рио-2016. Мусобақалар ўтказиладиган иншоотлар: "Олимпия қишлоғи" (Olympic Village)

Олимпия қишлоғи Барра ди Тужукада жойлашган. Иншоотнинг расмий очилиши 2016 йилнинг 16 июнь куни бўлиб ўтган. Олимпия ва Параолимпия ўйинлари вақтида бу ерда 28 минг нафардан ортиқ спортчилар, волонтёрлар ва расмий шахслар истиқомат қилишлари мумкин. Ушбу мажмуа 31 қаватдан иборат. У ерда мусиқа асбоблари, видеоўйинлар, бассейнлар, теннис кортлари, шунингдек, косметолог ва психологлар хоналари бор.

Шунингдек, бу ерда хоналар учун 80 минг кресло, 70 минг стол, 29 минг кроват, 6 минг телевизор, 10 мингдан ортиқ смартфонлар бор.

Рио-2016нинг Олимпия қишлоғи Олимпиада ўйинлари тарихидаги энг каттаси бўлади.

Олимпиада-2016 якунланганидан сўнг бу ер аҳоли яшаш мажмуаларига айлантирилиши режалаштирилган.