Рио-2016. Россиялик сузувчиларнинг допинг-таҳлили тоза чиқди

Бу ҳақида Халқаро сузиш федерацияси хабар берди. Ўтган йили Қозон шаҳрида сузиш спорт турлари бўйича ўтказилган жаҳон чемпионатида иштирок этган россиялик спортчилардан қўшимча допинг-таҳлил олинганди.

Қозондаги жаҳон чемпионатида Россия терма жамоаси 9та олтин, 4та кумуш, шунча бронза медалини қўлга киритганди. Аввалроқ, Халқаро сузиш федерацияси 7 нафар россиялик спортчини четлатган эди. Улардан Никита Лобинцев ва Владимир Морозовнинг дисквалификацияси ўз кучида қолди.