Рустам Қосимжонов 1-турдан сўнг 2-ўринда боряпти

Буюк саркарда ва давлат арбоби Амир Темур таваллудининг 680-йиллигига бағишлаб ўтказилаётган ушбу супер турнирда дунё тан олган тўрт нафар гроссмейстер иштирок этяпти.

Озарбайжонлик Шахрияр Мамадияров 2013 йили блиц йўналишида жаҳон чемпиони бўлган. Исроиллик Борис Гельфанд 2009 йилда Жаҳон Кубоги соҳибига айланган. Украиналик Руслан Пономарев 2002-2003 йилларда жаҳон чемпионлигига эришган. Ҳамюртимиз Рустам Қосимжонов эса 17-жаҳон чемпиони хисобланади.

Кеча шахматчилар учтадан учрашув ўтказишди. Ўтказилган олтита партиядан фақат биттасида ғолиб аниқланди. Қолган бешта партияда кучлар тенг келди. Шахрияр Мамадияров битта ғалаба ва иккита дуранг билан биринчи кунги баҳслардан сўнг 2 очко билан пешқадамлик қиляпти.

РустамҚосимжоновэсауччалапартиядаҳамдуранггаэришди ва қўшимча кўрсаткичларга кўра иккинчи ўринни эгаллаб турибди. У аввалига Руслан Пономарев, кейин Шахрияр Мамадияров ва сўнгги баҳсда Борис Гельфанд билан билан дуранг ўйнади.

Бугун шахматчилар яна учтадан учрашувда ўзаро муносабатларига ойдинлик киритиб олишади. Рустам Қосимжонов бугун илк учрашувда Руслан Пономаревга қарши оқ доналарда ҳаракат қилади.

Маълумот учун, Шахмат Юлдузлари турнирининг умумий мукофот жамғармаси 50 минг Америка Қўшма Штатлари долларини ташкил этади. Ғолиб гроссмейстер 20 минг долларга эга бўлади.

1-тур натижалари:

Пономарев - Қосимжонов 0,5:0,5

Гельфанд - Мамадияров 0-1

Гельфанд - Пономарев 0,5:0,5

Мамадияров - Қосимжонов 0,5:0,5

Пономарев - Мамадияров 0,5:0,5

Қосимжонов - Гельфанд 0,5:0,5

1-турдан кейинги турнир жадвалидаги ҳолат: 1. Мамадьияров, 2 очко; 2-3 Қосимжонов, Пономарев, 1,5 очкодан; 4.Гельфанд, 1 очко

Бугун ўтказиладиган 2-тур жуфтликлари:

Қосимжонов - Пономарев

Мамадияров - Гельфанд

Пономарев - Гельфанд

Қосимжонов - Мамадияров

Мамадияров - Пономарев