11 апр 07:55
Янгиликлар
Теннис
Сабина ўтган ҳафта ютқазган рақибаси билан учрашади
Бугун Туркиянинг Истанбул шаҳрида мукофот жамғармаси 60 000 АҚШ долларини ташкил қилувчи турнирнинг асосий тўр баҳслари бошланади.
Lale Cup номини олган мусобақада мамлакатимизнинг биринчи ракеткаси Сабина Шарипова ҳам иштирок этади. Ҳамюртимиз ушбу турнирнинг иккинчи ракеткаси сифатида қайд этилган.
Қуръа натижасига кўра, Сабина Шарипова биринчи даврада асосий тўрга имтиёзли йўлланма асосида қўйилган мезбон теннисчи Пемра Озгенга қарши кортга чиқади.
Эътиборга молик жиҳати шундаки, Сабина ўтган ҳафта Истанбулда ўтказилган турнирнинг биринчи босқичида айнан Озгенга 1:6, 3:6 ҳисобида имкониятни бой бериб қўйган эди.
Ҳавола :
Манба : olamsport.com
Фикрлар