Сабина Шарипова Лючжоу турнирида чорак финалга чиқди

Ҳамюртимиз мукофот жамғармаси 50 минг АҚШ долларини ташкил этувчи турнирда бешинчи рақам остида таснифланган. Сабина ҳозиргина иккинчи давра учрашувини якунлади.

Дунё рейтингида 157-ўринни эгаллаб турган ҳамюртимиз иккинчи давра учрашувида саралаш мусобақаси ғолибаларидан бири, хитойлик Жиа-Кию Кангга қарши кортга чиқди. Икки соату 3 дақиқа давом этган баҳсда вакиламиз 3:6, 6:1, 6:0 ҳисобида зафар қучди.