Сабина ва Нигина Дубайдаги иштирокларини ғалаба билан бошлашди

Соврин жамғармаси 100 000 АҚШ долларини ташкил қилувчи ушбу мусобақада мамлакатимизнинг биринчи ҳамда иккинчи рақамли теннисчилари - Сабина Шарипова ва Нигина Абдураимова ҳам иштирок этяпти.

Қувонарлиси, ҳамюртларимизнинг ҳар иккиси ҳам илк даврада ғалаба нашидасини суришди. Биринчи ракеткамиз бўлиб турган Шарипова хорватиялик Яна Феттни 7:5, 6:3 ҳисобида мағлуб этди.

Абдураимова эса биринчи босқичда турнирнинг тўртинчи ракеткаси, люксембурглик Мэнди Минелла билан тўқнаш келди. Рейтингда рақибасидан анча пастда турганига қарамай, ҳамюртимиз учрашувда 6:1, 7:5 ҳисобида зафар қучди.