27 мар 08:55
Янгиликлар
Саидкаримов Баҳрайндаги турнирда асосий тўрга чиқди
Бугун Баҳрайн пойтахти Манама шаҳрида теннис бўйича соврин жамғармаси 15 000 АҚШ долларини ташкил қилувчи турнирнинг асосий тўр баҳслар бошланади.
“Фьючерс” туркумига кирувчи ушбу мусобақанинг саралаш баҳсларида уч нафар теннисчимиз ўз имкониятини синовдан ўтказди. Улардан биргина Саидаъло Саидкаримовгина асосий тўрга йўлланма олди.
Истеъдодли теннисчимиз саралаш баҳсларида 10-рақам остида таснифланган эди. У аввалига ҳиндистонлик Химансу Сагарни 6:2, 6:0 ҳисобида мағлуб этди. Кейин эса 6-рақам остида сараланган голландиялик Рой Де Валкдан 7:6(4), 0:6, 6:4 ҳисобида устун келди.
Қолган теннисчиларимиз Шониғматжон Шофайзиев ва Амал Султонбеков саралаш баҳсларида мағлубият аламини тотиб кўришди. Саидкаримовдан ташқари, асосий тўр баҳсларида Санжар Файзиев ҳам иштирок этади.
Ҳавола :
Манба : olamsport.com
Фикрлар