09 окт 10:05
Янгиликлар
Бокс/ММА
Санжар Раҳмонов Лас-Вегасда навбатдаги ғалабасини қўлга киритди
Афсонавий Флойд Мейвезерга қарашли промоутерлик компанияси боксчиси ҳисобланган ҳамюртимиз Санжар Раҳмонов бугун тонг саҳарда ўзининг навбатдаги жангини ўтказди.
АҚШнинг Лас-Вегас шаҳрида ташкил этилган бокс оқшомида ҳамюртимиз Жонатан Динонгга қарши рингга кўтарилди. Унинг рақиби Жонатан Динонг асли келиб чиқиши гаваилик бўлиб, бир неча йилдан бери АҚШ номидан жанг қилиб келмоқда.
Бугунги жангда ташаббусга эга бўлган Раҳмонов рақибини очколар ҳисобига кўра мағлубиятга учратди. Бу унинг еттинчи жангидаги олтинчи ғалабаси бўлди. Учта жангда рақибларини муддатидан аввал енгган. Фақат бир маротаба дуранг қайд этган.
Эслатиб ўтамиз, Санжар Раҳмонов бундан аввалги жангини 17 сентябрь куни америкалик Маркиус Хоуторнга қарши ўтказиб, рақибини очколар ҳисобига кўра мағлубиятга учратганди.
Ҳавола :
Манба : olamsport.com
Фикрлар