25 авг 09:20
Янгиликлар

Теннис

Серена Уильямс қийин ғалаба билан бошлади

АҚШнинг Нью-Йорк шаҳрида WTA туркумига кирувчи "Премьера" тоифасидаги турнир давом этмоқда.

Сайёрамизнинг 9-ракеткаси бўлиб турган Серена Уильямс мусобақадаги иштирокини ғалаба билан бошлади. Америкалик теннис маликаси иккинчи давра учрашувида рейтингнинг 72-поғонасидан жой олиб турган нидерландиялик Аранта Русни мағлубиятга учратди - 7/6(6), 3/6, 7/6(0).

Икки соату 48 дақиқа давом этган баҳснинг ҳар иккала сети ғолибаси тай-брекларда аниқланди. 38 яшар Серена 14 та эйс зарбалари эвазига 29 ёшли рақибасидан устун келди. Энди Уильямс Western & Southern Open турнирининг учинчи босқичида қозоғистонлик Юлия Путинцевани 6/4, 7/6(9) ҳисобларида таслим этган грециялик Мария Саккарига қарши кортга чиқади.