Севастова bett1 Aces турнирида 1/2 финалга чиқди

Бу Берлин аэропортида ўтказилаётган иккинчи мусобақа ҳисобланади. Дастлабкисида украиналик Элина Свитолина бош соврин соҳибасига айланган эди. У иккинчи турнирдаги иштирокини ярим финалдан бошлайди. 

Свитолинанинг финал остонасидаги рақибаси Анастасия Севастова бўлади. WTA рейтингида 43-поғонадан жой олган латвиялик теннисчи 1/4 финалда дунёнинг еттинчи ракеткаси, нидерландиялик Кики Бертенсни шов-шувли тарзда мағлуб этди - 6/1, 6/4.