Шаҳобиддин Зоиров жаҳон бокси нигоҳида: "Бу кеча мен учун унутилмас бўлади"

Рио Олимпиадаси қиролларидан бири “Emirates Golf Club”да рингга чиқади. Бугун ESPN ва IFL ТВ камералари Шаҳобиддин томонга қаратилади. Бу кеча унутилмас бўлиши аниқ, сабаби жанг оқшомида ўн тўққиз мамлакатдан ташриф буюрган спортчи рингга кўтарилади. Ушбу жанг олдидан "MTK Global" промоутерлик компанияси боксчимизнинг фикрларини тақдим этди.

"Бокс оламида ўз номига эга бўлган боксчилар билан бир сафда рингга кўтарилишдан ҳурсандман. Мен бугун ватаним ва "MTR Global" шаънини муваффақиятли ҳимоя қилишига ҳаракат қиламан. Бу кеча мен учун унутилмас бўлади.

Бокс дунё бўйлаб оммалашмоқда, шу боисдан Дубайдаги жанг оқшоми муҳим воқеадир. Бу ерда кўплаб мухлисларга эга бўламиз.

Мен жума оқшомида томошага келган барча мухлисларга қизиқарли жанг ташкиллаштиришни мақсад қилганман. Проф рингдаги мақсадим тезроқ жаҳон чемпионлигига эришишдир", - деди Зоиров.

Эслатиб ўтамиз, Шаҳобиддин Зоиров иштирокидаги жанг бироздан сўнг бошланади. Аввалроқ, жангни томоша қилиш учун ҲАВОЛАни тақдим этгандик.