Шарипова Лючжоу турниридаги иштирокини ғалаба билан бошлади

Ҳамюртимиз мукофот жамғармаси 50 минг АҚШ долларини ташкил этувчи турнирда бешинчи рақам остида таснифланган. Сабина бир неча дақиқа аввал илк давра учрашувида саралаш мусобақаси ғолибаларидан бири, хитойлик Зию Санни мағлуб этди.

Эллик олти дақиқа давом этган баҳсда Шарипова рақибасини 6:2, 6:1 ҳисобида мағлубиятга учратди. Дунё рейтингида 157-поғонадан жой олган Шарипова турнирнинг жуфтликлар баҳсида ҳам иштирок этади.

Америкалик Жаклин Како билан тандем ҳосил қилган вакиламизнинг илк даврадаги рақибалари таиландлик теннисчилар бўлади.