Шахмат. Жаҳон чемпионатида 1/2 финалнинг уч иштирокчиси маълум

Украиналик Анна Музичук болгариялик рақибаси Антоанета Стефанова билан оқ доналарда яна дуранг ўйнади. 43-юришдан сўнг томонлар муросага келишди. Чорак финалнинг учта партиясидан сўнг Музичук 1,5:0,5 ҳисобида зафар қучди. 

Блиц ва рапид йўналишларида амалдаги жаҳон чемпиони ҳисобланган Музичукнинг ярим финалдаги рақибаси россиялик Александра Костенюк бўлади. У чорак финалда 1,5:0,5 ҳисобида хитойлик Ни Шицюнни таслим этди. 

Яна бир чорак финал жуфтлигида кутилмаган натижа қайд этилди. Турнир рейтингида биринчи рақам остида таснифланган хитойлик Цзюй Вэньзюнь ҳамюрти Тань Чжун Ига 0,5:1,5 ҳисобида имкониятни бой бериб қўйди. 

Сўнгги ярим финалчининг номи ҳиндистонлик Харика Дронавали ва грузиялик Нана Дзагнидзе баҳсидан сўнг аниқланади. Ҳозирча иккала шахматчи биттадан ғалабага эришишди. Бугун тай-брейкда ғолиб аниқланади.

Маълумот учун, жаҳон чемпионатининг 1/2 финал учрашувлари 23-25 ​февраль кунлари бўлиб ўтади.