Шерали Мамажонов: “Мен АҚШга фақат чемпионлик камари учун келдим

Эътиборга молик жиҳати шундаки, бокс оқшомида ҳамюртимиз Шерали Мамажонов рингга кўтарилади. Унинг рақиби америкалик Дэвид Бенавидис бўлади. Боксчилар қитъалараро WBC чемпионлик камари учун рингга чиқишади.

“Мен бу ерга фақат ғалаба илинжида келдим. Мақсадим - кучли рақибимни мағлуб этиб, Ўзбекистонга  чемпионлик камари билан қайтиш. Бунинг учун бор имкониятимни ишга соламан. Мени халқимизнинг дуоси қўллайди”, - деди Мамажонов сайтимизга берган интервьюсида.

Маълумот учун, Шерали профессионал фаолиятида 15та жанг ўтказиб, рақибларини 8 бор нокаутга учратган.

Унинг рақиби эса 16та жангнинг 15тасида рақибларини нокаут эвазига мағлубиятга учратган. Ўз вазн тоифасида дунёнинг 20 нафар кучли боксчиси қаторида эътироф этилади.

Бугун боксчилар тарозидан ўтиш маросимида қатаншишди. Ҳар иккала боксчи ҳам белгиланган вазн (76 кг)ни қайд этишди. 

Эслатиб ўтамиз, 8 раунддан иборат ушбу чемпионлик жанги АҚШнинг Невада штати Лас-Вегас шаҳридаги MGM Grand аренасида бўлиб ўтади.