Shymkent Open. Ясмина ва Албина етиб келишди

Соврин жамғармаси 15 000 АҚШ долларини ташкил қилувчи хотин-қиз теннисчилар ўртасидаги мусобақанинг асосий тўрида икки нафар ҳамюртимиз ҳам ўз маҳоратини намойиш этаётганди. 

Афсуски, уларнинг ҳар иккиси ҳам иккинчи давра учрашувида мағлубиятга учрашди. Асосий тўрга имтиёзли йўлланма асосида қўйилган истеъдодли теннисчимиз Ясмина Каримжонова турнирнинг олтинчи ракеткаси россиялик Полина Голубовскаяга 1:6, 4:6 ҳисобида ютқазди. 

Мусобақада бешинчи рақам остида таснифланган тажрибали теннисчимиз Албина Хабибулина эса кутилмаганда молдовалик Виталия Стаматга 4:6, 6:7(6) ҳисобида имкониятни бой бериб, турнирдаги иштирокини тўхтатди.