Солис ва Чарр Германияда навбатдаги жангларини ўтказишди

Оқшомнинг марказий икки жангида супероғир вазн тоифасидаги жаҳон чемпионлик камари учун собиқ даъвогарлар рингга кўтарилишди. Ушбу жангларда Мануэль Чарр (30-4, 17 КО) ва кубалик Одланьер Солис (21-3, 14 КО) ўз ғалабаларини тантана қилишди.

Чарр мағлубият аламини билмай келаётган албаниялик Сефер Сефер (21-1, 19 КО) билан тўқнаш келди. Чарр якунда ҳакамларнинг бир овоздан берган баҳосига кўра 97-92, 98-91, 96-93 ҳисобида ғалаба қозонди. Шу билан бирга у қитъалараро WBA чемпионлик камарини ҳам қўлга киритди.

Солис эса швециялик Александр Тодорович (8-10-1, 7 КО) билан жанг қилди. Бу жанг ғолиби ҳам очколар ҳисоби бўйича аниқланди. Солис ортиқча муаммосиз рақибини таслим этди.