Султонов Канададаги турнирда учинчи даврага йўл олди

Султонов илк даврада Буюк Британия вакили Элайстайр Грейни 3:6, 6:4, 6:2 ҳисобида мағлуб этганди. Кеча эса у иккинчи босқичда Эллиот Бенчетритга қарши кортга чиқди.Франциялик бу теннисчи турнирнинг 15-ракеткаси сифатида эътироф этилганди.

Эллиот биринчи даврадан озод этилгани боис, ўз иштирокини тўғридан-тўғри иккинчи босқичдан бошлади. Шунга қарамай, ҳамюртимиз кучли рақибини ортиқча қийинчиликсиз 6:1, 6:1 ҳисобида таслим этди. Энди Ҳумоюн чорак финал йўлланмаси учун турнирнинг иккинчи ракеткаси канадалик Фелик Аугер-Алиассимега қарши кортга чиқади.