04 окт 08:20
Янгиликлар
Теннис
Султонов ва Шофайзиев Shymkent Open турнирида мағлуб бўлишди
Қозоғистоннинг Чимкент шаҳрида теннис бўйича соврин жамғармаси 10 минг АҚШ долларидан иборат бўлган Shymkent Open турнирининг асосий тўр баҳслари старт олди.
Ушбу мусобақанинг асосий тўрида иштирок этаётган ҳамюртимиздан икки нафари турнирнинг илк куни мағлубият аламини тотиб кўришди. Истеъдодли теннисчимиз Ҳумоюн Султонов турнирнинг учинчи ракеткаси, россиялик Иван Гаховга 6:7(2), 0:6 ҳисобида ютқазди.
Яна бир теннисчимиз Шониғмат Шофайзиев эса қозоғистонлик Гиоргий Ломакинга 4:6, 6:3, 5:7 ҳисобида имкониятни бой берди. Бугун Санжар Файзиев, Сергей Фомин, Суннатилла Қутибоев, Шаробиддин Абзалов ва Шоҳрух Абдумаликовлар биринчи босқич учрашувида кортга чиқишади.
Эслатиб ўтамиз, Санжар Файзиев шанба куни якунланган худди шундай нуфуздаги турнирда бош мукофотни қўлга киритган эди.
Ҳавола :
Манба : olamsport.com
Фикрлар