16 мар 17:40
Янгиликлар
Теннис
Tashkent ITF Juniors. Каримжонова 1/4 финалда, Баҳодирова ютқазди
Пойтахтимиздаги Республика Олимпия захиралари теннис мактаби кортлари мезбонлик қилаётган ўсмирлар ўртасидаги халқаро турнир ўзининг ҳал қилувчи палласига кириб боряпти.
Tashkent ITF Juniors турнирининг қизлар ўртасидаги мусобақасида ҳамюртларимиздан Ясмина Каримжонова ҳамда Лайло Баҳодирова зафар қучиб, иккинчи даврага йўл олишган эди.
Улардан бири чорак финал чиптасини қўлга киритди. Турнирнинг еттинчи ракеткаси бўлган Каримжонова қозоғистонлик Данел Ашировани 6:1, 6:2 ҳисобида таслим этди.
Баҳодирова эса турнирда тўртинчи рақам остида ҳаракат қилаётган болгариялик Гергана Топаловага 3:6, 0:6 ҳисобида имкониятни бой бериб қўйди.
Маълумот учун, ҳамюртларимиздан Милана Масленкова, Комола Умарова, Олеся Ким ҳамда Валентина Шлейн илк босқичдаёқ рақибаларига ютқазиб қўйишган эди.
Ҳавола :
Манба : olamsport.com
Фикрлар