Tashkent Open-2016. Камола ҳам, Сабина ҳам мағлубиятга учради

Соврин жамғармаси 250 минг долларни ташкил қилувчи ушбу турнир бу йил 18-маротаба ўтказилмоқда. Дунёнинг йигирмага яқин давлати теннисчилари иштирок этаётган мусобақада словакиялик Анна-Каролина Шмидлова биринчи рақам остида таснифланган. У дунё рейтингида 57-ўринни эгаллаб турибди.

Афсуски, бугун асосий тўрда кортга чиққан ҳар икки теннисчимиз ҳам мағлубият аламини тотиб кўрди. Аввалига мусобақага имтиёзли тарзда қўйилган Камола Умарова мусобақанинг амалдаги ғолибаси япониялик Нао Хибинога 3:6, 1:6 ҳисобида ютқазди.

Кейин эса мамлакатимизнинг биринчи ракеткаси Сабина Шарипова ҳам рақибасига имкониятни бой берди. Сабина илк босқичда швейцариялик Штефани Фогелга 5:7, 7:5, 5:7 ҳисобида мағлуб бўлди.