Токио-2020. Олимпиаданинг тўртинчи куни медалсиз якунланди

Олимпиадада қатнашаётган ўзбек спортчиларининг иштирокига оид тезкор янгиликларни ушбу саҳифа орқали кузатиб боришингиз мумкин бўлди. 

Кун давомида ўзбекистонлик спортчилар қуйидаги натижаларни қайд этишди:

Дзюдо: Фарангиз Хожиева (илк босқичда мағлубият)

Таэквондо: Светлана Осипова (илк босқичда мағлубият)

Бокс: Бобоусмон Батуров (1/8 финалда ғалаба)

Дзюдо: Шарофиддин Болтабоев (7-ўрин)

Сузиш: Хуршиджон Турсунов (41-ўрин)

15:22. Шунинг билан ўзбекистонлик спортчиларнинг бугунги иштироки якунланди. 

15:19. Сузувчимиз Хуршиджон Турсунов 100 метрга эркин сузиш бўйича 50.14 сония натижа билан ўз гуруҳида тўртинчи бўлди. Умумий ҳисобда эса у 71 нафар спортчи ичида 41-ўринни эгаллади. 

14:26. Бироздан сўнг кун ҳисобидан сўнгги вакилимиз сузувчи Хуршиджон Турсунов стартга чиқади. Унинг чиқиши 15:10да амалга ошади.  

14:14. Бобоусмон Батуровнинг вазнидаги қозоғистонлик боксчи Аблайхан Жусупов кутилмаганда АҚШ вакилига имкониятни бой берди. Шу тариқа, Олимпиадада Қозоғистоннинг -69 кг вазн тоифасидаги гегемонияси якунланди.

13:45. Афсуски, Шарофиддин бронза учун ўтиш жангида имкониятни бой бериб қўйди ва Олимпия ўйинларидаги иштирокини якунлади. 

13:36. Бироздан сўнг дзюдочимиз Шарофиддин Болтабоевнинг бронза учун ўтиш жанги бошланади. Рақиб - грузиялик Тато Григалашвили. 

11:28. Шарофиддин Болтабоев бронза медали учун ўтиш жангида грузиялик Тато Григалашвилига қарши татамига чиқади. Ушбу баҳс Тошкент вақти билан тахминан соат 13:30дан сўнг бошланади.

11:21. Шарофиддин чорак финалда австриялик Шамил Борчашвилига қарши жанг қилди ва Golden Score'да имкониятни бой бериб қўйди. 

11:10. Шарофиддин Болтабоев чорак финал жангига тайёрланмоқда. 

10:48. Чансел Диас британиялик рақибга имкониятни бой берди. Светлана Осипова бронза медали учун курашиш имкониятидан маҳрум бўлди. 

10:30. Энди у ярим финал чиптаси учун асли грузиялик, ҳозирда Австрия шарафини ҳимоя қилаётган Шамил Борчашвилига қарши татамига чиқади.

10:18. -81 кг вазн тоифасидаги юртдошимиз Шарофиддин Болтабоев болгариялик Ивайло Ивановни мағлуб этиб, чорак финалга йўл олди.

10:01. Болтабоев татамига кўтарилмоқда

9:48. Бироздан сўнг Шарофиддин Болтабоев болгариялик Ивайло Ивановга қарши татамига кўтарилади

8:35. Болтабоев энди болгариялик Ивайло Ивановга қарши баҳс юритади. Жанг тахминан соат 9:45 дан сўнг бошланади. 

8:34. Дзюдочимиз Шарофиддин бир неча сония ичида вануатулик рақиби Уго Чумбони ушлаш усулида мағлуб этди.

8:30. Шарофиддин Болтабоев Олимпиададаги иштирокини бошламоқда.

8:07. Агар Диас финалгача етиб бора олса, Светлана Осиповада бронза медали учун курашиш имконияти пайдо бўлади. Акс ҳолда, таэквондочимиз учун Олимпиада якунланади.

7:48. Яна тахминан 20-30 дақиқалардан сўнг дзюдочимиз Шарофиддин Болтабоевнинг жанги бошланади. 

ТЕЛЕГРАМ ва ИНСТАГРАМдаги саҳифаларимиз орқали ҳам қизиқарли маълумотлардан хабардор бўлиб туришингиз мумкин. 

7:31. Бобоусмон энди чорак финалда британиялик Пет Маккормакка қарши жанг қилади. Бўлажак рақиб - жаҳон чемпионати финалчиси ҳисобланади.

7:27. Боксчимиз Бобоусмон Батуров Доминикан Республикаси вакили Поландо Роханга қарши жанг ўтказди ва 4:0 ҳисобида ғалаба қозонди.

7:15. Бобоусмон Батуровнинг жанги бошланмоқда!

7:11. Таэквондочимиз Светлана Осипова илк жангини кучли рақиб Чансел Денизга қарши ўтказди ва сўнгги сонияларда 8:9 ҳисобида ютқазиб қўйди.

7:04. Дзюдо. Фарангиз Хожиева илк жангидаёқ Кабо-Верде мамлакати дзюдочисига имкониятни бой бериб қўйди. 

7:01. Фарангиз Хожиеванинг чиқиши бошланди. Осиповада ҳам.

6:36 Бир неча дақиқалардан сўнг баҳсларга дзюдочимиз Фарангиз Хожиева ва таэквондочимиз Светлана Осипова Токиодаги юришини бошлайди.

6:32. Ассалому алайкум спорт мухлислари. Ўзбекистонлик спортчиларнинг Олимпия ўйинларидаги иштирокига оид матнли трансляцияни бошлаймиз.

27 июль куни қуйидаги ўзбекистонлик спортчилар Олимпия ўйинларида иштирок этишади:

7:00 - Дзюдо: Фарангиз Хожиева

7:00 - Таэквондо: Светлана Осипова

7:15 - Бокс: Бобоусмон Батуров

7:30 - Дзюдо: Шарофиддин Болтабоев

15:10 - Сузиш: Хуршиджон Турсунов

Соатлар Тошкент вақти билан кўрсатилган

Постер муаллифи: Мухтасар Умарова