Тўлқин Қиличев: “Ҳасан ҳам, Шаҳрам ҳам рақибидан кучли эди”

Афсуски, олтин медал учун асосий даъвогар бўлган чарм қўлқоп усталаримиз - Рио Олимпиадаси чемпиони Ҳасанбой Дўсматов ва Олимпиаданинг кумуш медали совриндори Шаҳрам Ғиёсов бугунги финал жангларида рингга кўтарилишмайди.

Мураббийлар штаби ўзаро муҳокамадан сўнг шундай қарорга келган.

“Бу жангдан қочиш эмас. Ҳар икки боксчимиз ҳам рақибларидан сезиларли даражада устунлар. Биз аслида Таиландга уч раундлик жанглар учун келгандик.

Сабаби, боксчиларимиз “Uzbek Tigers” жамоаси таркибида 5 раундлик жангларда рингга чиқишганди. Май ойида Тошкентда Осиё чемпионати ўтказилади.

Хабарингиз бор, ҳаваскорлар ўртасидаги барча мусобақалар 3 раунддан иборат бўлади. Шунга қайта мослашиш мақсадида Бангкокдаги турнирда иштирок этяпмиз. Мураббийлар нима иш қилишаётганини яхши билишади. Боксчиларимиз кучли эканликларини Осиё чемпионатида яна бир бор исботлашади”, - деди терма жамоамиз мураббийи Тўлқин Қиличев.