06 апр 11:50
Янгиликлар

Теннис

Тсонга Франция терма жамоасига ўйнашдан бош тортди

Франциялик теннисчи Жо-Вилфред Тсонга мамлакат терма жамоаси сафида 2017-йилги учрашувларда иштирок этмаслигини маълум қилди.

Тсонга Франциянинг биринчи ракеткаси ҳисобланади. Теннисчи норасмий жаҳон чемпионати ҳисобланган Дэвис Кубогида терма жамоаси шарафини ҳимоя қилмоқчи эмас.

31 ёшли Жо-Вилфред жароҳатини даволаш учун вақт камлигини рўкач қилган. 7-9 апрель кунлари Франция терма жамоаси Дэвис Кубогининг чорак финалида Буюк Британия теннисчилари билан тўқнаш келади.