08 май 21:18
Янгиликлар
Уч нафар вакилимиз чорак финалда, Ойбек ҳам ғалаба билан бошлади, Шодиёр эса... Жаҳон чемпионатининг саккизинчи куни ҳам якунланди
Бугунги кун доирасида беш нафар ўзбекистонлик боксчи жанг қилди:
Кундузги дастурда:
1. -54 кгда 1/16 финал жанги: Ойбек Жўраев - Тамир Галанов (Сербия), (Ҳакамларнинг якдил қарори билан)
2. -92 кгда 1/8 финал жанги: Лазизбек Мулложонов - Гиорги Тчигладзе (Грузия), (Ҳакамларнинг якдил қарори билан).
Кечги дастурда:
3. -48 кгда 1/8 финал жанги: Шодиёр Мелиқўзиев - Санжар Ташкенбай (Қозоғистон), (Ҳакамлар қарори билан)
4. -60 кгда 1/8 финал жанги: Мужибилло Турсунов - Муҳаммад Ҳамуд (Марокаш), (Ҳакамларнинг якдил қарори билан)
5. -86 кгда 1/8 финал жанги: Шоҳжаҳон Абдуллаев - Сагиндик Тагамбай (Қозоғистон), (Ҳакамларнинг якдил қарори билан).
Шу тариқа, Лазизбек Мулложонов, Мужибилло Турсунов ва Шоҳжаҳон Абдуллаевлар ўз вазнларида чорак финалга йўл олишди. Ойбку Жўраев ҳам илк жангида ғалаба қозониб, нимчорак финал чиптасини нақт қилди. Шодиёр Мелиқўзиев эса нимчорак финал жангида қозоғистонлик кучли рақиби олдида бироз ожиз қолди ва мусобақани тарк этишга мажбур бўлди.
МАТНЛИ ТРАНСЛЯЦИЯ
20:39. ҒАЛАБА! Кутилганидек, Шоҳжаҳон Абдуллаев бу сафар ҳам Тагамбайга имкон қолдирмасдан, кейинги босқичга йўл олди!
20:34. Иккинчи раунд ажоооойиб ўтди. Нокдаун ўзи нокаутга айланиши керак эди. Шоҳжаҳон "молодец"! Ҳисоб эса 4:1 эмиш, босниялик ҳакамга алангали саломлар!!!
20:29. Илк раунд якунига етди, тенг жанг. Ҳисоб - 5:0, Шоҳжаҳон фойдасига. Ажойиб!
20:26. Биринчи раундга старт берилди.
20:24. Икки боксчи рингга чиқиб келмоқда.
20:23. Шоҳжаҳон Абдуллаевнинг Сагиндик Тагамбайга қарши жанги бошланмоқда...
20:07. Яна битта жангдан сўнг Шоҳжаҳон Абдуллаев иштирокидаги тўқнашув старт олади.
19:42. Мужибилло Турсунов ишончли жанг намойиш қилиб, чорак финалга чиқди. Буёғига россиялик жангчига қарши рингга чиқади Турсунов.
19:37. Жангнинг иккичи раунди ҳам якунланди, Мужибиллода темп бироз пастроқ, ҳисоб 5:0 эканича қолди.
19:32. Биринчи раунд якунланди, ҳисоб 5:0, Мужибилло фойдасига.
19:28. Мужибилло Турсунов рингга чиқиб келмоқда.
19:02. Яна битта жангдан сўнг Б рингида Мужибилло Турсунов иштирокидаги жанг бошланади.
18:34. Афсус, Шодиёр қозоғистонлик рақибига яна мағлуб бўлмоқда. Бу Ўзбекистон учун иккинчи йўқотиш бўлди.
18:29. Иккинчи раунд оғир ўтди, Шодиёр раунд сўнгида нокдаун ҳолатига тушди, ҳисоб эса 5:0 рақиб фойдасига.
18:25. Раунд якунига етди. Тенг жанг, ҳисоб 2:3, афсуски Ташкенбай фойдасига.
18:22. Биринчи раунд бошланди.
18:20. Шодиёржон Мелиқўзиев рингга кўтарилмоқда.
18:09. Яна аренага қайтамиз. Бир неча дақиқалардан сўнг Шодиёр Мелиқўзиевнинг қозоғистонлик Санжар Ташкенбайга қарши жанги бошланади.
16:54. Бир соатлик танаффусдан сўнг кечги дастур жанглари бошланади.
16:35. Ажойиб класс эвазига Лазизбек Мулложонов учинчи раундда жуда чиройли бокс намойиш этди ва ғалаба қозониб, чорак финалга йўл олди.
16:32. Иккинчи раундда Лазизбекнинг ҳаракатлари бироз сустлашди, аммо бу ҳисобда акс этмади - 5:0, Мулложонов ҳисобига.
16:28. Раунд ўз якунига етди. Лазизбек бу раундда эҳтиёткорроқ бўлишга ва маофадан ишлашга ҳаракат қилгандек кўринди. Ҳисоб 5:0, бизнинг фойдамизга.
16:25. Биринчи раунд бошланди.
16:23. Лазизбек Мулложоновнинг Гиорги Тчигладзега қарши жанги бошланмоқда. Боксчилар рингга чиқиб келмоқда.
15:48. Яна иккита жангдан сўнг Лазизбек Мулложонов чорак финал йўлида рингга чиқади.
15:22. Яна бир ғалаба. Ойбек Жўраев сербиялик рақибини 5:0 ҳисобида мағлуб этиб, нимчорак финалга йўл олди.
15:16. Иккинчи раундда ҳам устунлик сақлаб қолинди - 5:0. Ойбек Жўраев кейинги босқич масаласини деярли ҳал қилди.
15:12. Жангнинг биринчи раунди якунланди, бироз устунлик Ойбек Жўраевда. Ҳисоб эса 5:0.
15:08. Ойбек Жўраев иштирокидаги жанг старт олмоқда. Вакилимиз рингга чиқиб келмоқда.
14:59. Ойбек Жўраевнинг жанги старт олишига саноқли дақиқалар қолмоқда...
14:05. Ассалому алайкум қадрли бокс мухлислари! Жаҳон чемпионатининг саккизинчи кунидан ўрин олган жанглар ҳозиргина старт олди. Бугунги кун доирасида беш нафар вакилимиз рингга кўтарилади. Биринчи бўлиб Ойбек Жўраев жанг қилса, кунни Шоҳжаҳон Абдуллаев якунлаб беради. Ойбек Жўраевнинг жангигача яна тўртта тўқнашув мавжуд Б рингида.
Фикрлар