24 июл 07:30
Янгиликлар
Футбол
УЕФА президентлиги учун номзодлар маълум қилинди, сайлов 14 сентябрда
УЕФА президентлиги учун номзодлар рўйхати маълум қилинди. Ташкилот матбуот хизматининг хабар беришича, Европа футболи раҳбари бўлиш учун 3 функционер кураш олиб боради.
Эслатиб ўтамиз, УЕФАнинг эндиликда собиқ президенти Мишель Платини коррупцион можаролар сабаб шу йилнинг май ойида истеъфога чиқарилган эди. Платини 4 йил мобайнида футбол соҳасида фаолият юрита олмайди.
Энди Голландия Қироллик футбол федерацияси президенти Микаэль ван Прааг, Словения футбол иттифоқи раҳбари Александер Сеферин ҳамда айни пайтда УЕФА президенти вазифасини вақтинчалик бажариб турган испаниялик Анхель Мария Вильяр ташкилот президенти бўлиш учун сайловда иштирок этишади.
УЕФА президентлиги учун сайлов 14 сентябрь куни бўлиб ўтади. Бу уччала номзод ҳам мажбурий равишда ФИФА текширувидан ўтказилади. Гап шундаки, УЕФАнинг янги президент автоматик тарзда ФИФА вице-президентига айланади.
Ҳавола :
Фикрлар