27 июн 08:23
Янгиликлар

Теннис

“Уимблдон”. Бугун Шарипова “Улкан тож” ғолибасига қарши ўйнайди

Шу кунларда Лондон шаҳрида “Катта Дубулға” туркумига кирувчи “Уимблдон” турнирининг саралаш баҳслари давом этмоқда.

Мусобақанинг хотин-қиз теннисчилар турнирида ҳамюртимиз Сабина Шарипова ҳам иштирок этяпти. Теннисчимиз саралашнинг илк даврасида италиялик Ясмин Паолинини 7:6, 6:3 ҳисобида мағлуб этган эди. Бугун Сабина ярим финал учрашувида Вера Звонарёвага қарши кортга чиқади.

Россиялик бу теннисчи фаолияти давомида икки марта “Катта Дубулға” туркумига кирувчи мусобақаларнинг жуфтлик баҳслари ғолибаси бўлган. Яккаликда эса АҚШ Очиқ чемпионати финалига қадар етиб борган.

Маълумот учун, Сабина Шарипова айни пайтда жаҳон рейтингида 133, Звонарёва эса 141-ўринни эгаллаб турибди. Теннисчилар шу кунгача ўзаро бир маротаба тўқнаш келишган. Ўтган йилнинг 8 сентябрь куни Хитойнинг Дальян шаҳрида ўтган ўша учрашувда Звонарёва ғалаба қозонган эди.