07 июл 11:12
Янгиликлар
Теннис
Уимблдон. Жўрабек жуфтликда иккинчи даврага чиқди, Ҳумоюн ютқазди
Истеъдодли теннисчиларимиз Жўрабек Каримов ва Ҳумоюн Султонов Лондонда давом этаётган Катта Дубулға туркумига кирувчи ўсмирлар ўртасидаги Уимблдон турнирининг жуфтликлар баҳсида ҳам иштирок этишяпти.
Лекин аввалги мусобақалардан фарқли равишда бу икки теннисчимиз бошқа ракетка усталари билан жуфтлик хосил қилишганди. Жўрабек германиялик Даниэль Алтмайер билан бирга америкалик теннисчилар Вилльям Блумберг ҳамда Натан Понвитга қарши кортга чиқиб, 6:4, 6:7(4), 6:4 ҳисобида зафар қучди.
Ҳумоюн Султонов эса германиялик Тим Руэль билан бирга турнирнинг иккинчи рақамли жуфтлиги грециялик Стефанос Циципас ва эстониялик Кеннет Раисмага 4:6, 2:6 ҳисобида ютқазди. Жўрабек ва Даниэлнинг иккинчи босқичдаги рақиблари турнирнинг учинчи ракеткалари сербиялик Миомир Кезманович ва норегиялик Каспер Рууд бўлади.
Ҳавола :
Манба : olamsport.com
Фикрлар