06 июл 06:30
Янгиликлар
Теннис
Уимблдон. Жўрабек ва Ҳумоюн учинчи даврада!
Истеъдодли теннисчиларимиз Жўрабек Каримов ва Ҳумоюн Султонов Лондонда давом этаётган “Катта Дубулға” туркумига кирувчи ўсмирлар ўртасидаги “Уимблдон” турнирининг яккалик баҳсларида учинчи даврага йўлланма олишди.
Турнирда ўн биринчи рақам остида таснифланган Жўрабек иккинчи давра учрашувида британиялик Жей Кларкни 7:5, 6:4 ҳисобида мағлуб этди. Илк босқичдан германиялик Луис Вессельсдан устун келган ҳамюртизнинг чорак финал йўлидаги рақиби турнирнинг олтинчи ракеткаси, япониялик Юсуки Ватануки бўлади.
Иккинчи теннисчимиз Ҳумоюн Султонов эса иккинчи босқичда турнирнинг 15-ракеткаси хитойлик Йибинг Вуни 6:4, 7:5 ҳисобида доғда қолдирди. Учинчи даврада ҳамюртимизни жиддий рақиб кутиб турибди. Ҳумоюн мусобақанинг иккинчи рақам остида сараланган теннисчиси, америкалик Улисес Бланчга қарши кортга чиқади.
Ҳавола :
Манба : olamsport.com
Фикрлар