13 авг 17:20
Янгиликлар
Бокс/ММА
"Улар ўз максимумларини намойиш этишди". Олимпиада чемпиони қозоғистонлик боксчиларнинг иштироки ҳақида гапирди
Рио Олимпиадаси чемпиони Данияр Елеусинов қозоғистонлик боксчиларнинг Олимпия ўйинларидаги иштироки ҳақида фикр билдирди.
"Терма жамоамиз "олтин" ёки "кумуш" қўлга киритишини жуда истагандим. Қозоғистон доимо олтин қўлга киритиб келган. Йигитларни танқид қилмоқчи эмасман, улар ўз максимумларини намойиш этишди. Барча тайёрланганди, формада эди.
Токиода вазнлар 10 тадан 8 тага камайди. Бу - яна 2 та олтин учун имкониятимиз камайди деганидир. Терма жамоага захира керак. Бизда биринчи рақамли боксчилар бор - уларнинг ортида эса деярли хеч ким йўқ. Кўпчилик проф рингга ўтмоқда. Яхши ёшлар бор, аммо улар катталар боксига мослашиши учун вақт керак. Уларга енгил вазнларда ишониш мумкин, аммо ўрта ва оғир вазнларда муаммо бўлади", - деди Елеусинов.
Эслатиб ўтамиз, Елеусинов Рио Олимпиадаси финалида Шаҳрам Ғиёсовни мағлубиятга учратиб, олтин медални қўлга киритганди.
Ҳавола :
Манба : sports.kz
Фикрлар