04 окт 08:55
Янгиликлар
Теннис
Умарова, Фолц ва Хабибулина ғалаба билан бошлашди
Қозоғистоннинг Чимкент шаҳрида хотин-қиз теннисчилар ўртасида соврин жамғармаси 10 минг АҚШ долларидан иборат бўлган Shymkent Open турнирининг асосий тўр баҳслари бошланди.
Ушбу мусобақанинг асосий тўрида беш нафар ҳамюртимиз иштирок этяпти. Улардан уч нафари кеча кортга чиқишди ва рақибларини мағлубиятга учратиб, иккинчи даврага йўл олишди.
Турнирда олтинчи рақам остида таснифланган Арина Фолц беларуслик Виктория Мунга ҳеч қандай имконият қолдирмади - 6:0, 6:1. Саккизинчи ракетка сифатида қайд этилган Камола Умарова қозоғистонлик Арина Талуенкодан 6:1, 7:5 ҳисобида устун келди.
Яна бир теннисчимиз Албина Хабибулина эса беларуслик Лизавета Ханчаровани 6:1, 4:6, 6:1 ҳисобида мағлубиятга учратди. Бугун Полина Меренкова мезбонлар вакили, турнирнинг учинчи ракеткаси Гўзал Айнитдиновага, Шаҳноза Хотамова эса россиялик Анна Уколовага қарши кортга чиқади.
Ҳавола :
Манба : olamsport.com
Фикрлар