US Open. Дарья Касаткина Соболенкога қарши кўрсата олмади

Аёллар ўртасидаги мусобақада дунёнинг 14-ракеткаси Дарья Касаткина мағлубиятга учраб, ўз иштирокини якунлади. Россиялик теннисчи 1/8 финалда сайёрамизнинг иккинчи рақамли теннис маликаси, беларуслик Арина Соболенкога 1/6, 3/6 ҳисобларида ютқазди. 

Теннисчиларнинг ўзаро учрашувларидаги ҳисоб Арина фойдасига йириклашди - 5:2. Етмиш олти дақиқалик баҳсда Касаткина 2 та эйс, 5 та қўшхато ва 3 та брейк қайд эди. Соболенко эса эйс зарбасини амалга ошира олмади. Қўшхатолар 3 та, брейклар эса 7 тани ташкил қилди. Энди у 1/2 финал чиптаси учун хитойлик Чжен Цзинвенга қарши кортга чиқади.