US Open. Уильямс, Плишкова, Кербер ва Возняцки 1/2 финалда

Умумий мукофот жамғармаси 46 млн 300 минг долларни ташкил қилувчи мусобақанинг аёллар ўртасидаги турнирида ярим финал иштирокчилари маълум бўлди. Сайёрамизнинг биринчи ракеткаси америкалик Серена Уильямс руминиялик Симона Халепни 6:2, 4:6, 6:3 ҳисобида мағлуб этди.

Чехиялик Каролина Плишкова эса хорватиялик дугонаси Ана Конюхдан икки сетда ҳам бир хил 6:2 ҳисобида устун келди. Бир кун аввал чорак финал учрашувида даниялик Каролин Возняцки ва германиялик Анжелик Керберлар ҳам зафар қучиб, ярим финалга йўл олишган эди.

US Open. Нью-Йорк, АҚШ

29 август – 11 сентябрь 2016

“Катта Дубулға” туркумидаги турнир

Умумий мукофот жамғармаси – 46 300 000 доллар

ЧОРАК ФИНАЛ

Серена Уильямс (АҚШ) – Симона Халеп (Руминия) 6:2, 4:6, 6:3

Каролина Плишкова (Чехия) – Ана Конюх (Хорватия) 6:2, 6:2

Каролин Возняцки (Дания) – Анастасия Севастова (Латвия) 6:0, 6:2

Анжелик Кербер (Германия) – Роберта Винчи (Италия) 7:5, 6:0