Усик Тошкентдаги WBC конвенциясида Фьюри билан жанг ҳақида ўзига хос фикр билдирди

Боксчи Конвенция давомида ОАВ ходимларининг бир нечта саволлари, жумладан, WBC чемпиони, британиялик чарм қўлқоп устаси Тайсон Фьюри билан мутлақ чемпионлик учун жанг ҳақидаги саволларига жавоб қайтарди. 

Усикдан Фьюрининг охирги жанги (28 октябрь, Нганнуга қарши) ҳақида қандай фикрда экани сўралди ва Усик кулиб юборган ҳолда "Мен уни яхши кўраман", - деди.

Шунингдек, Усик Фьюрининг уни тўрт раундда нокаутга учратиши ҳақидаги гапларига муносабат билдирди:

"Бу мени кулдиради. Ота ҳозир шу ерда. Лекин сен қанисан, Тайсон Фьюри? Мен тайёрман".

Александрдан WBC'нинг яшил ҳамда олтин камарлари ҳақидаги фикри сўралганида, у шундай жавоб берди:

"Мен уни қўлга киритсам, мутлақ чемпион бўлар эдим. Икки вазн тоифасида мутлақ жаҳон чемпиони! Бу мен учун бутун дунёни англатган бўлар эди".