24 янв 09:41
Янгиликлар

Бокс/ММА

Усик ва Бриедис жангга бир ҳафта қолганда тарозига чиқишди

Украиналик Александр Усик ҳамда латвиялик Майрис Бриедис ўртасида ўтказиладиган Бутунжаҳон бокс суперсерияси доирасидаги ярим финал жангига тобора оз фурсат қолмоқда.

Ушбу жанг Латвия пойтахти Рига шаҳрида бўлиб ўтади. Жангга бир ҳафта қолган бир пайтда боксчилар тарозидан ўтиш маросимида иштирок этишди. Унда Усик 93,5 кг, Бриедис эса – 94 кг тош босди.

Маълумот учун, жангга бир ой қолган бир пайтда ўтказилган маросимда украиналик боксчининг вазни 95,7 кг, латвиялик спортчининг вазни эса 95,5 кг бўлганди. Бу вазнда белгиланган вазн меъёри кўпи билан 91,7 кг бўлиши лозим. Боксчилар 5 кун ичида тахминан 3 кг вазндан халос бўлишлари шарт.