"Uzbek Tigers" бош мураббийи Тўлқин Қиличев финалда ҳам қозоғистонлик боксчиларга тўқнаш келишга қарши эмас

"Биз барча рақибларга қарши жанг олдидан тайёргарлик қиламиз. Барчаси режа асосида кечади. Қайсидир рақиблар учун алоҳида куч билан тайёрланмаймиз.

Ўйлайманки, эртага йигитлар ўзларининг энг зўр жангларини ўтказадилар. Ушбу тўқнашув учун тайёргарлик кўнгилдагидек кечди. Насиб қилса, эртанги жангларда ғолиб чиқиб, мухлисларимизни хурсанд қила оламиз.

Финалда ҳам "Astana Arlans" билан учрашишни истайманми? Албатта. Бунга қарши бўлмаган бўлардим. Балки, мавсум охирида финал жангини айнан шу ерда ўтказиб, ҳудди шу инсонлар иштирокида матбуот анжумани ўтказармиз", - дейди Тўлқин Қиличев.

Ўз ўрнида қозоғистонлик боксчилар мураббийи ҳам ўзбек ҳамкасбининг бундай таклифига қўшилишини айтиб ўтди.